U BDMU internataŭcaŭ prymušajuć prahałasavać daterminova i źjazdžać uklučna da 12 vieraśnia. Pra heta «NN» na ŭmovach ananimnaści paviedamiŭ student miedycynskaha ŭniviersiteta.
Fota Dzianisa Valanskaha, tut.by
Pa jahonych słovach, biez usiakich tłumačeńniaŭ studenty nie pavinny być u internacie pa 12 vieraśnia ŭklučna. Kali pa niejkich abstavinach student zastajecca ŭ Minsku, to jon budzie vymušany napisać tłumačalnuju, dzie pavinien paznačyć pavažnuju pryčynu.
«Kali spytali, što rabić 12 vieraśnia, bo heta paniadziełak i buduć pary, to administracyja ŭniviersiteta adkazała, što pary nie źjaŭlajucca pavažnaj pryčynaj».
Imavierna, što pryčynaj mier źjaŭlajecca akcyja hramadskaha dziejača Mikałaja Statkieviča «Za svabodnyja vybary», jakaja projdzie 12 vieraśnia ŭ 18:00 na Kastryčnicaj płoščy Minska.
Kali vy vałodajecie infarmacyjaj pra parušeńni praviłaŭ praviadzieńnia vybaraŭ, ci vas prymušajuć iści hałasavać — dasyłajcie ananimna tekst, fota, videa praz knopku «Dasłać navinu» na hałoŭnaj staroncy nn.by, albo praz sacyjalnyja sietki Ukantakcie, Fejsbuk ci Tvitar.
