U Babrujsku niamieckija aŭčarki zahryźli na śmierć svajho haspadara — piensijaniera-invalida. Cieła zahinułaha sa šmatlikimi rvanymi ranami ruk i noh znajšli na ŭłasnym ŭčastku 14 vieraśnia. Mužčyna pražyvaŭ razam ź plamieńnicaj i dačkoj plamieńnicy, ale padčas napadu jany znachodzilisia na pracy.
Śledčy kamitet pravodzić pravierku pa hetym fakcie. Pra heta raspaviała aficyjnaja pradstaŭnica ŭpraŭleńnia Śledčaha kamiteta pa Mahiloŭskaj vobłaści Aksana Salaniuk.
«Pryznačanyja ekśpiertyzy, jakija dazvolać vyznačyć dakładnuju pryčynu śmierci. Buduć ekśpiertnyja daśledavańni ŭ adnosinach da sabak. Padčas pravierki budzie vyjaŭlacca, što vyklikała ahresiju sabak».
Pieršapačatkova vyjaŭlena, što mužčyna pamior ad balavoha šoku. Sabak časova abiasškodzili.
