Da 1 hoda pazbaŭleńnia voli z adterminoŭkaj pakarańnia na hod — takoje rašeńnie siońnia vynies sud u dačynieńni da pary, jakaja publična zajmałasia seksam u staličnym mikrarajonie Sucharava. Pra heta paviedamiła pres-sakratar Minharsuda Anastasija Šylvian.
15 vieraśnia sud Frunzienskaha rajona Minska vynies rašeńnie ŭ dačynieńni da chłopca i dziaŭčyny, jakija zajmalisia seksam na vulicy Skrypnikava ŭ mikrarajonie Sucharava ŭ Minsku. Ich dziejańni byli kvalifikavany na padstavie častki 2 artykuła 339 KK RB (Chulihanstva, ździejśnienaje hrupaj asob).
Maładych ludziej prysudzili pa 1 hoda pazbaŭleńnia voli z adterminoŭkaj vykanańnia pakarańnia na hod i pa 100 hadzin hramadskich rabot.
Taksama sud vynies dla ich zabaronu na naviedvańnie vyznačanych miescaŭ paśla peŭnaha času.
Nahadajem, u siaredzinie lipienia pa sacsietkach razyšoŭsia fotazdymak maładych ludziej, jakija zajmalisia seksam na vulicy. Paviedamlałasia, što ŭsio adbyvałasia ranicaj.
Praź niekalki dzion na staroncy «Minskaja milicyja» u Facebook źjaviłasia paviedamleńnie, što paśla źjaŭleńnia fota ŭ UUS administracyi Frunzienskaha rajona (da jaho adnosicca mikrarajon Sucharava) była pryznačanaja pravierka. Jana pakazała, što zdymak nie maje dačynieńnia da Frunzienskaha rajona, jon byŭ uziaty ź internetu.
U kancy žniŭnia vyśvietliłasia, što publičny seks u Sucharavie ŭsio ž byŭ. Pravaachoŭniki zatrymali chłopca, jaki byŭ na tym samym zdymku. Jamu 19 hadoŭ, dziaŭčynie - 17. U dačynieńni da maładych ludziej była zaviedziena kryminalnaja sprava za chulihanstva, ździejśnienaje hrupaj asobaŭ.
