U 2017 hodzie stratehičnyja kamandna-štabnyja vučeńni Uzbrojenych sił RF adbuducca na zachodnim kirunku - pablizu ad miežaŭ Ukrainy, Biełarusi, krain Bałtyi i Finlandyi, paviedamiła ahienctva interfax.ru sa spasyłkaj na načalnika Hienštaba US RF hienierała armii Valeryja Hierasimava.
Na vučeńniach «Zachad-2013». Fota kremlin.ru
Sioleta padobnyja vučeńni pad nazvaj «Kaŭkaz-2016» prajšli ŭ Paŭdniovaj vajskovaj akruzie, u ich udzielničali bolš za 12,5 tysiač vajskoŭcaŭ.
Da taho ž u miežach padrychtoŭki da «Kaŭkaza-2016» tolki ŭ žniŭni prajšli 12 śpiecyjalnych vučeńniaŭ pa zabiaśpiečeńni vojskaŭ, a taksama prajšła pravierka bajazdolnaści, u jakoj udzielničali siły Zachodniaj i Centralnaj vajskovych akruh, Paŭnočnaha fłotu, Pavietrana-desantnych vojsk i Vajenna-kaśmičnych sił.
Papiarednija vučeńni «Zachad» pravodzilisia armijaj RF u 2009 i 2013 hadach.
Hod tamu płanavałasia, što ŭ 2017 hodzie adbuducca taksama sumiesnyja biełaruska-rasijskija vučeńni. U 2013 hodzie ŭ takich vučeńniach udzielničała bolš za 10 tysiač vajskoŭcaŭ.
