Być deputatam — nie volnaja rabota, a ciažkaja praca. Pra heta Alaksandr Łukašenka zajaviŭ siońnia na sustrečy sa staršynioj Pałaty pradstaŭnikoŭ Uładzimiram Andrejčankam, pieradaje BiełTA.
Alaksandr Łukašenka i Uładzimir Andrejčanka abmierkavali farmat zapłanavanaj sustrečy deputataŭ Pałaty pradstaŭnikoŭ piataha i šostaha sklikańniaŭ. «Budučym deputatam budzie cikava pasłuchać, čym zajmaŭsia parłamient ŭčora i čym budzie zajmacca zaŭtra. Heta ž nie pryjści, pasiadzieć abo prapuścić siesiju — takaja dobraja i volnaja rabota, heta — ciažkaja praca», — padkreśliŭ kiraŭnik krainy.
Łukašenka taksama źviarnuŭ uvahu na pracaŭładkavańnie ciapierašnich deputataŭ. «Moža, buduć niejkija pažadańni pa pracaŭładkavańni tych, chto sychodzić z parłamienta, ale nie z palityčnaha žyćcia, — skazaŭ Alaksandr Łukašenka. - Pahladzicie, kab sychodziačyja z parłamienta deputaty byli zapatrabavanyja ŭ žyćci. Jość deputaty, jakich my stracić nie možam».
Staršynia Pałaty pradstaŭnikoŭ prainfarmavaŭ kiraŭnika krainy, što ŭsiaho nieabchodna pracaŭładkavać 28 čałaviek. «Na siońniašni dzień razam z Administracyjaj prezidenta, uradam i hubiernatarami my ŭžo vyrašyli pytańnie ŭ dačynieńni da 21 deputata», - adznačyŭ jon.
