Kampanija «Budźma biełarusami!», litaraturny kłub GRAPHO i Halereja TUT.BY zaprašajuć 27 vieraśnia (aŭtorak) na prezientacyju ramana Viktara Marcinoviča «Voziera Radaści».
Viktar Marcinovič raspaviadzie pra svoj «samy ščyry raman z napisanych dahetul» i adkaža na pytańni čytačoŭ, jakija paśpieli paznajomicca ź jahonaj piataj pa liku knihaj. Ale nie tolki aŭtar voźmie ŭdzieł u prezientacyi: svaimi ŭražańniami ad knihi padzielacca Barys Pastarnak, hienieralny dyrektar vydavieckaha doma «Vriemia», u jakim pabačyła śviet ruskamoŭnaje vydańnie knihi; Barys Piatrovič (Sačanka), staršynia Sajuza biełaruskich piśmieńnikaŭ, a taksama kulturołah Maksim Žbankoŭ.
Aŭtar raskryje sakret, čamu ŭžo druhuju svaju knihu jon daviaraje pierakładać na biełaruskuju movu tolki litarataru Vitalu Ryžkovu, a sam Vital i lohkaatletka Alina Tałaj začytajuć frahmienty ramana, jakija najbolš pryjšlisia im daspadoby.
I heta jašče nie ŭsio! Siarhiej Doŭhušaŭ i hurt «Vuraj» azdobiać viečarynu svaim vystupam. Viadoŭcam mierapryjemstva budzie litaratar i šoŭmen Usievaład Ścieburaka.
Aŭtary najbolš cikavych patańniaŭ atrymajuć padarunki ad kampanii «Budźma biełarusami!». Padčas prezientacyi možna budzie nabyć i padpisać knihu.
Padzieja ŭ Facebook
