Ministerstva žyllova-kamunalnaj haspadarki zapeŭnivaje, što samy darahi radok u našych žyroŭkach — aciapleńnie — nie budzie raści ŭ canie ŭ hetym hodzie. «Košt aciapleńnia budzie ŭ miežach ličbaŭ, jakija byli ŭ pačatku hoda», - zajaviŭ pres-sakratar ministerstva Hienadź Akściłovič.
Pradstaŭnik kamunalnikaŭ, kažučy ab canie na aciapleńnie, spasłaŭsia na ŭkaz prezidenta № 107. Hety dakumient, nahadajem, ustalavaŭ hraničnyja taryfy na «kamunałku» da kanca hetaha hoda.
«Košt aciapleńnia źmianiacca nie budzie. Siaredniaja vynikovaja ličba budzie ŭ miežach tych ličbaŭ, jakija hramadzianie atrymlivali ŭ studzieni-lutym», - adznačyŭ Hienadź Akściłovič.
Pa hetym ukazie aciapleńnie dla nasielnictva kaštuje 13,3 rubla (133 tysiačy ŭ starych hrošach) za 1 Hkał. Stoadsotkavy taryf (naprykład, dla pustych kvater - 85,5 rubla (855 tysiač starymi).
Košt aciapleńnia rezka vyras u pačatku hetaha hoda razam ź inšymi taryfami. Adnak paśla taho, jak prezident zajaviŭ, što taryfy napisali «ad bałdy», ceny na pasłuhi ŽKH pieraličyli, adnak ciapło ŭ damach nie patańnieła.
Pra toje, što pakul žyroŭka nie padaražeje biełarusaŭ niadaŭna zapeŭniŭ i Alaksandr Łukašenka. Da pavyšeńnia varta rychtavacca ŭžo ŭ 2017 hodzie. «U nastupnym hodzie 5 dalaraŭ budzie dakładna. U kolki heta vyljecca adsotkaŭ, nie viedaju», — zajaviŭ kiraŭnik dziaržavy.
Nahadajem, zaraz biełarusy kampiensujuć 58% vydatkaŭ na «kamunałku». Da 2018 hoda hety pakazčyk pavinien składzie 100%.
