Marysia daŭno viadomaja ŭ homielskich kołach jak talenavitaja mastačka i aktyŭnaja siabroŭka homielskaj «Tałaki». Na dadzieny momant jana ŭdaskanalvaje svaje viedy ŭ Polščy i dziakujučy natchnieńniu vyrašyła «abnavić» vyjavy žyviołaŭ, abaronienych u našych krajach zakonam.
— Možna skazać, što heta — vynik čarhovaha prystupa razvahaŭ pra brendy biełarusaŭ. Ja zaŭždy prytrymlivałasia i budu stajać na pazicyi taho, što nam treba stvarać vizualnyja vobrazy Biełarusi nie tolki azirajučysia na historyju, archaiku na staražytnyja simvały, ale i nie zabyvać pahladać u budučyniu.
Mahčyma ŭ hetaj sieryi budzie praciah u padobnym styli i technicy vykanańnia ilustracyj, ale naŭradci ja budu šalona pieramaloŭvać usiu faŭnu našaha rodnaha kraju. Chiba što kali niejkaje vydaviectva zacikavicca hetaj idejaj.