U Japonii zładzili pieršy pakaz mody dla mužčyn «u pamiery plus». Dyzajniery chočuć zmahacca suprać «tabu na atłuścieńnie» ŭ krainie.
Na «Tokyo Pochari Collection» možna było pabačyć madelaŭ vahoju bolš za 100 kh, tym časam siaredniaja vaha darosłaha mužčyny ŭ Japonii składaje kala 66 kh. Słova «pochari» ź japonskaj movy možna pierakłaści jak «puchlik». Arhanizatary kažuć, što hetaje słova — bolš pazityŭnaje za zvykłaje dla japoncaŭ «debu», abo «taŭściak».
U imprezie ŭziali ŭdzieł bolš za sto asobaŭ: tyja, chto pahadziŭsia pakazacca ŭ vopratcy ad japonskich dyzajnieraŭ, atrymaŭ taksama źnižki na novuju kalekcyju dla ludziej z vahoj bolšaj za siaredniuju.
Arhanizatary pakazu spadziajucca, što impreza paspryjaje źmianieńniu ŭ Japonii staŭleńnia da ludziej ź vialikaj vahoj. Sprava ŭ tym, što ŭzrovień atłuścieńnia ŭ nasielnictva Japonii — adzin z samych nizkich u paraŭnańni ź inšymi raźvitymi krainami. Praz heta ludzi z pavyšanaj vahoju časta pačuvajucca niajomka siarod bolšaści padciahnutych i navat chudych japoncaŭ. Da taho ž, u zabaŭlalnych telešou u jakaści kamičnych piersanažaŭ vielmi časta vystupajuć ludzi z atłuścieńniem.
