Lidary ES rezka asudzili avijanaloty na Alepa. Pakuty mirnych žycharoŭ «heta niedapuščalnaje parušeńnie mižnarodnaha humanitarnaha prava», zajavili ŭ subotu, 24 vieraśnia, viarchoŭny pradstaŭnik ES pa źniešniaj palitycy i palitycy biaśpieki Fiederyka Mahieryni i kamisar ES pa humanitarnych pytańniach Chrystas Stylijanidzies.
Bambardziroŭki ŭ Alepa jany nazvali «źniavahaj usiamu śvietu».
Z asudžeńniem masiravanych avijanalotaŭ vystupiŭ taksama hienieralny sakratar AAN Pan Hi Mun. Jon «u žachu ad cyničnaj vajennaj eskałacyi» ŭ druhim pa značeńni siryjskim horadzie.
U vyniku udaraŭ pa Alepa dva miljony čałaviek zastalisia biez vodazabieśpiačeńnia. Jak śćviardžajuć pradstaŭniki apazicyjnaj arhanizacyi Siryjskaja naziralnaja rada pa pravach čałavieka (SOHR), jakaja bazujecca ŭ Łondanie, u vyniku apošnich avijaŭdaraŭ pa ŭschodnich rajonach horada zahinuli 25 mirnych žycharoŭ. Kolkaść achviar, jak čakajecca, moža jašče ŭzraści, bo ludzi paśla bambardziroŭki mahli apynucca pad zavałami, pieradaje AFP.