Ustupiŭ u zakonnuju siłu prysud žycharu adnoj ź viosak Kapylskaha rajona. Mužčynu pryznali vinavatym u zabojstvie svajho pryjaciela. Złačynstva adbyłosia jašče 1 śniežnia 2015 hoda.
— Hramadzianin Ł., jaki znachodziŭsia ŭ stanie ałkaholnaha apjanieńnia, padčas svarki z hramadzianinam M., jakaja ŭźnikła na padstavie niepryjaznych adnosin, naŭmysna, z metaj zabojstva z asablivaj žorstkaściu, nanios apošniamu nie mienš za 16 udaraŭ rukami i nieŭstanoŭlenym ćviordym tupym pradmietam u vobłaść hałavy, tułava i vierchniaj kaniečnaści, a taksama 1 udar videlcam u voka, pryčyniŭšy niebiaśpiečnyja dla žyćcia ciažkija cialesnyja paškodžańni, — raspaviadaje Alaksandr Laŭkovič, prakuror adździeła prakuratury Minskaj vobłaści.
Ad traŭmaŭ mužčyna pamior na miescy, jaho pryjaciela zatrymali i sudzili. Abvinavačany całkam pryznaŭ svaju vinu i byŭ prysudžany da 18 hadoŭ i 3 miesiacaŭ pazbaŭleńnia voli.
