Stanisłaŭ Paŭlinkovič zrabiŭ u sacyjalnaj sietcy «Vkontaktie» pierapost infarmacyi sa staronki palityka Mikoły Statkieviča. Tam byŭ zaklik pryjści na mitynh «Za Svabodnyja vybary» 12 vieraśnia ŭ 18.00 na Kastryčnickuju płošču ŭ Minsku.
Milicyjanty ličać, chłopiec zaklikaŭ na niesankcyjanavany mitynh, čym parušyŭ zakon «Ab masavych mierapryjemstvach» i adpaviednaje pałažeńnie Administracyjnaha kodeksa (art. 23.34).
12 vieraśnia mahiloŭskija milicyjanty previentyŭna zatrymali Paŭlinkoviča i dastavili ŭ Leninski RAUS. Tam jaho pratrymali šeść hadzin i skłali pratakoł ab administratyŭnym pravaparušeńni.
20 vieraśnia sudździa Valancina Łapacina adpraviła pratakoł u RAUS na dapracoŭku. Kali sud pryznaje Paŭlinkoviča vinavatym, jamu pahražaje štraf da 630 rubloŭ (30 bazavych vieličyniaŭ) albo aryšt.
Niesankcyjavany mitynh «Za svabodnyja vybary» prajšoŭ uviečary 12 vieraśnia na Kastryčnickaj płoščy ŭ Minsku. Jaho ŭdzielniki patrabavali pravieści novyja adkrytyja i sumlennyja vybary. Inicyjatarami mitynhu vystupali Mikoła Statkievič i Uładzimir Niaklajeŭ. U akcyi pryniali ŭdzieł kala 100 čałaviek.
