Siabry arhanizacyi «Sajuz dobraachvotnikaŭ Danbasa» pryjšli na vystavu fotazdymkaŭ biełaruskaha fatohrafa Alaksandra Vasiukoviča ŭ Sacharaŭskim centry ŭ Maskvie, parvali ekspanaty i zapatrabavali vyklikać dyrektara.
Jak paviedamlaje Lifenews, z «vieteranami Danbasa» byŭ miascovy deputat Dźmitryj Zacharaŭ sa słoikam čyrvonaj farby, na jakoj było napisana: «Kroŭ dziaciej Danbasa, zabitych ŭkrainskaj armijaj».
Chulihany parvali ekspanaty i zapatrabavali vyklikać dyrektara centra.
«Škada, što ludzi nie sprabujuć razabracca ŭ čymści, a bačać, toje, što chočuć bačyć. Heta prosta jašče adno śviedčańnie taho, u jaki čas my žyviom, — skazaŭ fatohraf Alaksandr Vasiukovič «Našaj Nivie». — Nu i vielmi raduje, što znajšoŭsia tolki adzin taki čałaviek, a na adkryćci i sustrečy sa mnoj pryjšło ludziej značna bolš. Nijakaha strachu ja nie adčuvaju, — padkreśliŭ Vasiukovič. — Kali mnie treba budzie znoŭ jechać u Maskvu, to ja pajedu. Hetaja sieryja niasie całkam antyvajenny pasył. Tamu jaje nie lubiać prychilniki vajny z abodvuch bakoŭ», — adznačyŭ fatohraf.
«Zastienčivyj fašist, ułybčivyj hadienyš»: na vystavie ŭ Maskvie zdymki biełarusa Alaksandra Vasiukoviča ablili farbaj VIDEA
