Akcyja pa ŭborcy śmiećcia «Zrobim!» projdzie ŭ Biełarusi 1 kastryčnika, paviedamili ŭ pres-słužbie Ministerstva pryrodnych resursaŭ i achovy navakolnaha asiarodździa.
«Kamanda Minpryrody naviadzie paradak la voziera ŭ vioscy Sienica 1 kastryčnika. Subotnik projdzie ŭ ramkach suśvietnaj uborki «Zrobim!», u akcyi voźmie ŭdzieł ministr pryrodnych resursaŭ i achovy navakolnaha asiarodździa Andrej Kaŭchuta, supracoŭniki Minpryrody, a taksama pradstaŭniki minskich pryrodaachoŭnych hramadskich abjadnańniaŭ», — rastłumačyli ŭ pres-słužbie.
U pryrodaachoŭnym viedamstvie adznačyli, što akcyja pa vałanciorskaj uborcy śmiećcia «Zrobim!» —biełaruskaja častka suśvietnaj kampanii Let's Do It! — World Cleanup. U joj voźmuć udzieł bolš za 40 haradoŭ i viosak Biełarusi.
U Biełarusi suśvietnaja ŭborka «Zrobim» (Let's Do It) pravodzicca z 2012 hoda. U 2015 hodzie pa ŭsioj krainie va ŭborcy ŭziali ŭdzieł kala 1,5 tys. čałaviek, jakija sabrali 112 t śmiećcia. U hłabalnaj uborcy 9 krasavika 2016 hoda paŭdzielničali 23 tys. biełarusaŭ.