Abiedźvie pałaty kanhresa ZŠA pieraadoleli vieta Baraka Abamy na zakon, jaki dazvalaje źviartacca z pazovami da zamiežnych dziaržaŭ, jakija majuć dačynieńnie da teraktaŭ 11 vieraśnia, paviedamlaje Reuters. Heta pieršy taki vypadak za ŭvieś čas prezidenctva Abamy, jakoje minaje praz 4 miesiacy.
Dla pieraadoleńnia vieta Abamy pavinny byli prahałasavać bolš za dźvie traciny sienataraŭ i členaŭ pałaty pradstaŭnikoŭ. U vyniku spačatku vieta było pieraadolena ŭ sienacie, dzie za heta vystupili 97 čałaviek pry adnym hołasie suprać.
Praź dźvie hadziny suprać prezidenckaha rašeńnia prahałasavała i pałata pradstaŭnikoŭ Za pieraadoleńnie vieta vystupili 348 deputataŭ, suprać — 76.
Rašeńnie kanhresa aznačaje, što zakonaprajekt stanie zakonam, niahledziačy na pazicyju prezidenta ZŠA.