Biełaruś pavyšaje taryfy na transpartavańnie rasijskaj nafty pa trubapravodach na svajoj terytoryi, havorycca ŭ pastanovie Ministerstva antymanapolnaha rehulavańnia i handlu krainy №30, apublikavanaj u subotu.
Transparciroŭka nafty pa trubapravodzie Unieča (Vysokaje) — Adamava Zastava padaražeje da 400,98 rasijskich rubloŭ za tonu biez uliku PDV. Raniej dadzieny taryf składaŭ 267,32 rubloŭ.
Transpartavańnie tony nafty pa maršrucie Unieča (Vysokaje) — Brody budzie kaštavać 172,23 rasijskich rubloŭ zamiest 114,82.
Taryf na kirunku Nieviel (Vialikija Łuki) — Połack pavialičvajecca z 32,31 da 48,47 rubloŭ.
Novyja taryfy pačnuć dziejničać praz 10 dzion paśla aficyjnaha apublikavańnia.
Heta pavyšeńnie źjaŭlajecca adkazam Biełarusi na admovu Rasiei źnizić ceny na haz paśla ich padzieńnia na suśvietnym rynku, a taksama na abmiežavańnie pastavak nafty ŭ paraŭnańni z papiarednimi kvartałami.
Raniej taryfnuju vajnu biełaruski bok vioŭ u 2009—2010 hadach, pakul nie było padpisana usioabdymnaje pahadnieńnie pa abjomach pastavak i taryfach.