Z 21 kastryčnika 2016 hoda apłacić pasłuhi techahladu ŭ Biełarusi možna z dapamohaj sistemy Adzinaj raźlikovaj i infarmacyjnaj prastory (ARIP).
Jak paviedamili ŭ administracyi ARIP, dziakujučy padklučeńniu da sistemy apłata techahladu dastupnaja ŭ lubym banku, na pošcie ci praź internet-bank i dystancyjnyja kanały absłuhoŭvańnia, kali jany padklučanyja da AIS «Raźlik».
U śpisie pasłuh ARIP techahlad dastupny dla apłaty ŭ rubrycy: «Inšyja respublikanskija pasłuhi»; «Biełtechahlad»; «dziaržpošlina (fiz. asoby i IP)/dziaržpošlina (jur. asoby)».
«My pratestavali prachodžańnie płaciažoŭ pa novaj pasłuzie i zapuskajem jaje ŭ masavy dostup. Zaraz za hetuju administracyjnuju praceduru možna płacić niezaležna ad miesca jaje prachodžańnia i bieź nieabchodnaści padavańnia kvitancyi», — prakamientavaŭ staršynia praŭleńnia AAT «Niabankaŭskaja kredytna-finansavaja arhanizacyja «ARIP» Aleh Vieramiejčyk.
Zachoŭvać i padavać u jakaści dakumienta, jaki paćviardžaje płaciež, aryhinał kvitancyi ab apłacie dziaržaŭnaj pošliny bolš nie patrabujecca. Pradpryjemstva «Biełtechahlad» z dapamohaj numara apieracyi ŭ ARIP samo znojdzie patrebny jamu płaciež.
U vypadku nieabchodnaści viartańnia płaciažu płacielščyku dastatkova źviarnucca ŭ inśpiekcyju Ministerstva pa padatkach i zborach pa miescy rehistracyi.
