Minabarony Polščy apublikavała videazapis z razmovaj tahačasnych premjeraŭ Polščy i Rasii Donalda Tuska i Uładzimira Pucina paśla Smalenskaj katastrofy.
Videa, jakoje było pradstaŭlenaje na pasiadžeńni kamisii pa abaronie Siejma, apublikavanaje na kanale Minabarony Polščy ŭ YouTube.
Na videazapisy Uładzimir Pucin i eks-kiraŭnik MNS Siarhiej Šajhu tłumačać Tusku, što kali b samalot praciahnuŭ ruch jašče 800 m, to moh by sutyknucca z budynkam, dzie raźmieščanyja fabryčnyja cechi.
Razam jany ahladajuć miesca katastrofy ŭ supravadžeńni niekalkich dziasiatkaŭ ludziej.
Taksama Šajhu raspavioŭ Tusku pra trajektoryju i kirunak ruchu łajniera.
«U vyniku ŭ 200 mietrach adsiul adbyłosia pieršaje sutyknieńnie ź ziamloj. I za košt taho, što ŭ jaho byli vypuščanyja šasi, jon, naturalna, pieraviarnuŭsia, i ŭsio heta tut adbyłosia, paśla čaho adbyłosia ŭzharańnie», — skazaŭ Šajhu.
Pucin paźniej vykazaŭ Tusku viersiju pra pamyłku piłota.
Raniej ministr abarony Polščy Antoni Maciarevič zajaviŭ, što ŭ rasparadžeńni viedamstva jość zapisy razmoŭ byłoha premjer-ministra Polščy Donalda Tuska z Uładzimiram Pucinym ad 10 krasavika 2010 hoda, kali adbyłasia Smalenskaja katastrofa.
