U Minsku pačaŭ rabotu Kastryčnicki ekanamičny forum, hałoŭnaja tema jakoha — ekanamičnyja reformy. Forum prachodzić u budynku Dipservice Hall.
Adkryvaŭ forum namieśnik kiraŭnika Administracyi prezidenta Mikałaj Snapkoŭ.
Jon vykazaŭ nadzieju, što forum dazvolić sabrać uradžaj idej dla Biełarusi, ale ŭ svajoj pramovie vykazaŭ davoli banalnyja i dziažurnyja rečy.
Snapkoŭ zaznačyŭ, što asnova luboj madeli raźvićcia — čałaviek. Dla raźvićcia krainy patrebnyja raźvićcio viedaŭ i technałohij.
«Heta vynik i patreba ekanamičnaha rostu», — skazaŭ Snapkoŭ i nazvaŭ try čyńniki dla paśpiachovaj ekanomiki: zabieśpiačeńnie hodnaj navuki i adukacyi, dastupnaść inviestycyj i finansavańnia i zručny i kamfortny asiarodak dla biznesu.
Źleva naprava: Kirył Rudy, Mikałaj Snapkoŭ i Pavieł Danejka.
Mikałaj Snapkoŭ.
Kažučy pra miechanizm pryniaćcia ekanamičnych rašeńniaŭ u dziaržavie, Snapkoŭ adznačyŭ, što ich efiektyŭnaść abumoŭlivajecca vybaram — abrać varyjant z najmienš niehatyŭnym efiektam, albo balučy, ale ź pierśpiektyvaj rostu.
Nad hetym pytańniem Snapkoŭ prapanavaŭ padumać usim prysutnym.
Za im słova ŭziała kiraŭnica pradstaŭnictva Jeŭrakamisii Andrea Viktaryn.
Andrea Viktaryn.
«My bačym prablemy — recesiju, nieefiektyŭnuju pracu dziaržaŭnych pradpryjemstvaŭ. U Biełarusi musiać być stvoranyja jasnyja ŭmovy dla našych inviestaraŭ. Taksama adznaču, što raźvićcio małych i siarednich pradpryjemstvaŭ budzie spryjać ahulnamu raźvićciu — heta chrybiet ekanomiki. Pryvatnyja kampanii bolš efiektyŭnyja. I ciapier my raspracoŭvajem sistemu padtrymki takich pradpryjemstvaŭ. Taksama, što mianie vielmi cikavić, — palapšeńnie ŭzroŭniu adukacyi, razumieńnie patreb rynku», — skazała Viktaryn.
Pradstaŭnik MVF Bas Bakier taksama zasiarodziŭ uvahu na prablemach biełaruskaj ekanomiki. Pavodle jaho słoŭ, admova ad reformaŭ — šlach u nikudy, bo ich usio adno treba budzie rabić, ale vydatki ad prastoju ŭvieś hety čas rastuć i buduć raści.
Bas Bakier.
Jak uzor jon pryvioŭ dośvied Polščy i Ukrainy — u 1991 hodzie, pavodle jaho, zarobki byli na adnym uzroŭni, a siońnia palaki abhaniajuć ukraincaŭ u try razy.
«A sa spadarožnikaŭ Polšča — jak kaladnaja jalinka, a Ukraina — jak byccam by tam vyklučyli aśviatleńnie», — reziumavaŭ Bakier i dadaŭ, što ŭ nastupnym hodzie, pa prahnozie, Biełaruś jašče nie vyjdzie z recesii.
Taksama jeŭrapiejskija ekśpierty zaznačajuć, što dla taho, kab dahnać Jeŭropu, Biełarusi treba pavysić praduktyŭnaść pracy. Bo nieŭzabavie pierad našaj ekanomikaj paŭstanie jašče adna prablema — stareńnie nasielnictva.
Maskoŭski ekanamist Andrej Moŭčan skazaŭ, što Biełarusi treba raŭniacca i pašyrać handlovaje supracoŭnictva z Zachadam, dzie rynak vialiki i šmat nasielnictva.
«Ja nie suprać taho, kab ličby handlu z Rasijaj stali bolšymi, čym ciapier, ale dola — dola musić być skaročanaja. Takaja dola handlu z Rasijaj škodnaja dla vašaj ekanomiki, — skazaŭ jon. —Dyviersifikacyja handlu vielmi važnaja. Vy bačycie, što adbyvajecca, kali adnamu susiedu kiepska».
«Rasija siońnia hublaje pa 50 tysiač śpiecyjalistaŭ štohod, čamu Biełaruś ich nie padbiraje?» — zadaŭsia pytańniem Moŭčan
U płanie publičnaha rynku jon zaklikaŭ raŭniaccca na Izrail, paraŭnalny ź Biełaruśsiu pa mnohich paramietrach.
U publičnym rynku ničoha kiepskaha niama, ale i jaho ŭ Biełarusi niama, padsumavaŭ Moŭčan.
***
U kułuarnaj razmovie vysoki pradstaŭnik adnaho ź biełaruskich bankaŭ skazaŭ «Našaj Nivie», što nie bačyć sensu ŭ naroščvańni pramysłovych mahutnaściaŭ u Biełarusi.
«My ŭpuścili šaniec ubudavacca ŭ siońniašniuju industryjalnuju ekanomiku — śviet i tak robić na 20% bolš, čym zdolny spažyvać. Pahladzim na Hiermaniju — jany pierajšli ad kłasičnaha razumieńnia industryjalnaj ekanomiki, staŭšy centram hienieracyi technałohij i idej, pierajšoŭšy da post-industryjalnaj. Faktyčna, tamu jany i admaŭlajucca ad toj ža atamnaj enerhietyki — jany ž pieranosiać svaje zboračnyja i vytvorčyja mahutnaści ŭ inšyja krainy, robiać staŭku na rozum. Hetak musim rabić i my. Ale tut pieradusim - uzrovień adukacyi, usio vynikaje adsiul. Taksama možna paraŭnać naš siońniašni stan z aŭtamabilnym zatoram —chtości napieradzie i jedzie, chtości ŭ siaredzinie i staić, i chtości ŭ kancy. Dyk my —u kancy, i ŭ hetym pieravaha - my bačym, što ŭ siaredzinie, i možam abjechać zator, minavaŭšy tyja prablemy, ź jakimi sutyknulisia inšyja krainy. Ukraina, naprykład».
Kirył Rudy skazaŭ «NN», što jahonaje pryznačeńnie ŭ Kitaj — heta honar i adkaznaść. «Tyja, chto kažuć, što mianie sasłali ŭ Kitaj — nie majuć racyi. A ŭ Biełaruś ja kaniečnie viarnusia, praz 3-4 hady, jak skončycca kamandziroŭka».
Namieśnik ministra ekanomiki aptymistyčna hladzić na pierśpiektyvy biełaruskaj ekanomiki
Pieršy namieśnik ministra ekanomiki Alaksandr Zabaroŭski ŭ svajoj pramovie na Kastryčnickim ekanamičnym forumie padkreśliŭ, što jon chiba nie adziny z prysutnych, chto maje aptymistyčny pohlad na pierśpiektyvy biełaruskaj ekanomiki.
«Ekśpiertam praściej davać niehatyŭnyja prahnozy, a paśla ich palapšać, čym dać kredyt davieru ŭrada», — skazaŭ jon i pierajšoŭ da prahnozaŭ nakont adnaŭleńnia ekanomiki.
«Kali finansavaja palityka nie mianiajecca, to my atrymlivajem iniercyjny prahnoz. Siońnia treba prymać miery, chacia jość šerah faktaraŭ, jaki nie spryjajuć ekanamičnamu raźvićciu. Rejtynhavyja ahientcvy prahnazujuć doŭhi pieryjad stahnujučaha rostu dla Biełarusi. Mnie pres-słužba napisała: «Urad znachodzicca ŭ stupary i nie hatova prapanavać ničoha, što zrabić z pahrozami, ź jakimi sutykajecca biełaruskaja ekanomika».
Ale biez ekanamičnaha rostu nie dabicca rostu vytvorčaści pracy, sacyjalnaha rostu.
Nizkija tempy rostu patrabujuć mier ad urada i banka, jakija zabiaśpiečać chutki vynik i ŭstojlivy vynik. Tamu pramaja supraćlehłaść hetamu V —vobrazny prahnoz — chutkaje adnaŭleńnie ekanomiki. U nas jość najaŭnaść reziervaŭ dla naroščvańni rostu: źnižeńnia pracentnych stavak, ilhotnaha kredytavańnia i h.d. Heta nie štości niezvyčajnaje, ale maje svaju canu — pravodzić takuju palityku raptoŭna ryzykoŭna. U 2010-2011 hodzie heta paciahnuła padzieńnie ZVR, pašyreńnie deficytu biahučaha popytu, narastańnie dysbałansaŭ. Tamu, pastupovaje adnaŭleńnie ekanamičnaha rostu — heta aptymalnaja makraekanamičnaja palityka», — skazaŭ jon.
Zabaroŭski taksama nazvaŭ šerah abaviazkovych umovaŭ, jakija harantujuć Biełarusi ekanamičny rost i vychad sa stanu stahnacyi.
Tut i padzialeńnie funkcyj dziaržavy jak rehulatara i ŭłaśnika, źnižeńnie inflacyi (pa jaho słovach, jana samaja nizkaja za apošnija 5 hadoŭ), admova ad ilhotnaha kredytavańnia.
«Bližejšymi miesiacami budzie vypracavana stratehija pracy ź dziaržsiektaram. Heta tolki elemienty vialikaj prahramy zachadaŭ», — skazaŭ Zabaroŭski.
Taksama, siarod hałoŭnych umovaŭ dla refarmavańnia ekanomiki, jon nazvaŭ stvareńnie paŭnavartasnaha finansavaha rynku, panižeńnie pracentnych stavak, źniaćcio abmiežavańniaŭ na adkryćcio valutnych rachunkaŭ, finansavaje azdaraŭleńnie realnaha siektara i abnaŭleńnie sistemy kiravańnia ekanomikaj.
Pieršym sihnałam dla rostu ekanomiki Zabaroŭski nazvaŭ adnaŭleńnie zamiežnych inviestycyj.
***
Pamočnik handlovaha pradstaŭnika ZŠA ŭ Jeŭrazii źviarnuła ŭvahu na nieparazumieńni va ŭnutranych adnosinach krain — siabroŭ JEAES
«U Kazachstana pytańni da kyrhyzskaj bulby, u Rasii - da biełaruskaha małaka. Rasija zabaraniaje niekatoryja pradukty ź ES, inšyja krainy — nie. U JEAES treba by razabracca pamiž saboj», — skazała jany i dadała, što Biełarusi varta jak maha chutčej ustupać u SHA.
Pieršy namieśnik ministra ekanomiki Alaksandar Zabaroŭski.
Pasoł Biełarusi ŭ Kitai Kirył Rudy.
Udzielniki Kastryčnickaha ekanamičnaha foruma.
Pasoł Biełarusi ŭ Kitai Kirył Rudy.
