5 listapada nadvorje Biełarusi budzie vyznačać atmaśfierny front. Čakajecca vobłačna z prajaśnieńniami. Na bolšaj častcy terytoryi apadki (śnieh, mokry śnieh, dniom pa zachadzie z daždžom), paviedamlaje pogoda.by.
U asobnych rajonach słaby hałalod, na darohach hałalodzica. Viecier paŭdniova-ŭschodni, słaby da ŭmieranaha. Tempieratura pavietra minimalnaja nočču 0..- 6°S, pa Viciebskaj vobłaści pry prajaśnieńniach da -7..- 10°S; maksimalnaja dniom -1.. + 5°S. Atmaśfierny cisk unačy istotna nie źmienicca, dniom budzie padać.
6—7 listapada nadvorje ŭ asnoŭnym buduć farmavać aktyŭnyja frantalnyja raździeły, jakija pieramiaščajucca z paŭdniovaha zachadu Jeŭropy; na paŭdniovy ŭschod krainy čakajecca pastupleńnie ciopłych mižziemnamorskich pavietranych mas.
6 listapada praciahłyja apadki (śnieh, mokry śnieh, jaki budzie pierachodzić u doždž), dniom u asobnych rajonach mocnyja apadki. U asobnych rajonach rezki paryvisty viecier, nočču i ranicaj słaby hałalod, na darohach hałalodzica. Tempieratura pavietra minimalnaja nočču -3.. + 3°S, pa poŭnačy da -6°S, maksimalnaja dniom -1.. + 6°S; u paŭdniovych rajonach nočču +4.. + 5°S, dniom +7.. + 10°S.
7 listapada na bolšaj častcy terytoryi daždžy, pa paŭnočnym zachadzie z mokrym śnieham, nočču i ranicaj słaby hałalod. Dniom u asobnych rajonach mocnyja apadki. Tempieratura pavietra minimalnaja nočču -1.. + 6°S, maksimalnaja dniom 0.. + 7°S, pa paŭdniovym uschodzie +8.. + 12°S.
