Pakistan departuje ŭ Afhanistan Šarbat Hułu, jakaja prasłaviłasia dziakujučy zdymku na vokładcy časopisa National Geographic u 1985 hodzie, paviedamiale VVS.
Getty
Pakistanski sud pryznaŭ Hułu vinavataj u tym, što jana pražyvała ŭ krainie pa padroblenych dakumientach, i prysudziŭ jaje da 15 sutak źniavoleńnia.
Jaje advakat zajaviŭ, što Huła, chutčej za ŭsio, budzie departavanaja ŭ paniadziełak. Pavodle jaho słoŭ, jana taksama była aštrafavanaja na za 110 tysiač rupij (1,1 tys. dalaraŭ).
Afhanskija ŭłady zajavili, što pa viartańni na radzimu jaje asabista sustrenie prezident krainy Ašraf Hani.
Ź sierady Huła znachodzicca ŭ špitali, dzie atrymlivaje lačeńnie ad hiepatytu S.
Hułu była aryštavanaja ŭ pakistanskim horadzie Piešavar kancy kastryčnika. Pakistanskija śpiecsłužby zapadozryli, što jana pražyvaje ŭ krainie z padroblenymi dakumientami jašče ŭ pačatku minułaha hoda, kali ŭ presie źjaviłasia fatahrafija ź jaje pakistanskaha pašparta. Za padobnaje złačynstva afhancy pahražała da 15 hadoŭ turmy.