Premjer-ministr Biełarusi Andrej Kabiakoŭ nakiravaŭsia z rabočym vizitam u Łatviju. Pra heta paviedamiŭ pres-sakratar kiraŭnika ŭrada Uładzisłaŭ Syčevič, piša BiełTA.
Andrej Kabiakoŭ voźmie ŭdzieł u piatym samicie kiraŭnikoŭ uradaŭ krain Centralnaj i Uschodniaj Jeŭropy i Kitaja («16+1»), jaki projdzie siońnia ŭ Ryzie. Na palach samitu adbuducca dvuchbakovyja sustrečy kiraŭnika biełaruskaha ŭrada z premjeram Dziaržaŭnaha savieta Kitaja Li Keciań i premjer-ministram Łatvii Marysam Kučynskisam.
Premjer-ministr Biełarusi taksama voźmie ŭdzieł u mižnarodnym biznes-forumie «16+1», na jakim buduć razhledžanyja pytańni dziełavoha ŭzajemadziejańnia krain Centralnaj i Uschodniaj Jeŭropy z Kitajem u śfierach transpartu i łahistyki, pramysłovaści, handlu i turyzmu.
«16+1» — inicyjatyva Kitaja, sutnaść jakoj zaklučajecca ŭ aktyvizacyi supracoŭnictva z 11 krainami — udzielnicami ES i 5 bałkanskimi krainami (Ałbanija, Bałharyja, Bośnija i Hiercahavina, Vienhryja, Łatvija, Litva, Makiedonija, Polšča, Rumynija, Sierbija, Słavakija, Słavienija, Charvatyja, Čarnahoryja, Čechija, Estonija) u halinie inviestycyj, transpartu, finansaŭ, navuki, adukacyi i kultury.
