Manholija razhladaje mahčymaść dałučeńnia da Jeŭrazijskaha ekanamičnaha sajuza (JEAES). Pra heta paviedamiła pasoł Respubliki Manholija ŭ RF Banzrahč Dełhermaa ŭ interv`iu telekanału «Rasija 24».
«Zaraz u śviecie idzie praces intehracyi i rehijanalnych błokaŭ. Manholija, jakaja znachodzicca pamiž takimi vialikimi dziaržavami, jak Rasija i Kitaj, i jakaja nie maje vychadu da mora, viadoma zacikaŭlenaja ŭ tym, kab dałučycca da jakich-niebudź ekanamičnych błokaŭ i efiektyŭna pracavać. U hetym płanie, viadoma, Jeŭrazijski ekanamičny sajuz ujaŭlaje dla nas vielmi vialiki intares», — cytuje pasła Manholii rasijskaje ahienctva TASS.
Pasoł taksama paviedamiła, što abmiarkoŭvała pytańnie metazhodnaści ŭstupleńnia Manholii ŭ JEAES z byłym prem`ier-ministram Armienii, a ciapier staršynioj kalehii Jeŭrazijskaj ekanamičnaj kamisii Tyhranam Sarkisianam.
JEAES byŭ utvorany na bazie Mytnaha sajuza i Adzinaj ekanamičnaj prastory Rasii, Biełarusi i Kazachstana i pačaŭ dziejničać 1 studzienia 2015 hoda. Paśla da arhanizacyi dałučylisia Armienija i Kyrhyzstan.
