Stacyjanarnyja telefony ŭ Partyzanskim i Zavodskim rajonach Minska siońnia mohuć nie pracavać z-za pažaru ŭ budynku ATS u Achockim zavułku, paviedamlaje Minskaje haradskoje ŭpraŭleńnie MNS u svaim tvitar-akaŭncie, piša BiełTA.
U MNS padkreślili, što mabilnaja suviaź i elektrazabieśpiačeńnie damoŭ pracujuć.
U «Biełtelekamie» paćvierdzili, što z-za avaryjnaj situacyi na ATS 242 i 243 (zavułak Achocki, 21) u Minsku časova prypynienaje akazańnie pasłuh suviazi dla abanientaŭ, jakija pražyvajuć pa vuł. Radyjalnaj, Centralnaj, Bajkalskaj, Hierasimienka, Anharskaj, Nieścierava, Ilimskaj, Bałotnikava, Ałtajskaj, častki Partyzanskaha praśpiekta.
«Nastupstvy avaryi adabjucca na abmiežavańni pasłuh šyrokapałosnaha dostupu ŭ sietku Internet, IPTV, telefonnaj suviazi častki abanientaŭ. U ciapierašni čas pravodziacca avaryjna-adnaŭlenčyja raboty», — rastłumačyli ŭ pres-słužbie pradpryjemstva.
«Biełtelekam» prynosić svaje prabačeńni za dastaŭlenyja niazručnaści.
