U Karakasie adnavilisia pieramovy, nakiravanyja na vyrašeńnie palityčnaha kryzisu ŭ Vieniesuele, piša VVS.
Prezident krainy Nikałas Madura pierad sustrečaj zajaviŭ, što hatovy zrabić usio, što ŭ jaho siłach dla dasiahnieńnia nieabchodnaha vyniku. Pry hetym jon admoviŭsia pradprymać dziejańni dla praviadzieńnia refierendumu ab svajoj adstaŭcy.
30 kastryčnika ŭradavaja delehacyja pad kiraŭnictvam prezidenta praviała pieršuju sustreču z apazicyjaj z metaj narmalizacyi situacyi ŭ krainie.
Ciažkaja ekanamičnaja situacyja ŭ Vieniesuele skłałasia ŭ suviazi z padzieńniem na suśvietnych rynkach cen na naftu, što ŭ vyniku pryviało da inflacyi.
Da abvastreńnia palityčnaha kryzisu pryviało rašeńnie Nacyjanalnaj asamblei krainy inicyjavać pačatak pracedury impičmientu prezidentu. U adkaz kiraŭnik dziaržavy abvinavaciŭ apazicyju ŭ sprobie ažyćciavić dziaržaŭny pieravarot.