Prarasijski kandydat Ihar Dadon, jaki pieramoh na vybarach prezidenta Małdovy, maje namier nastojvać na praviadzieńni daterminovych parłamienckich vybaraŭ u Małdovie ŭ 2017 hodzie.
Pra heta jon skazaŭ u efiry telekanała «Rośsija 24».
«My havaryli pra toje i zastajemsia na pazicyi, što prezidenckija vybary — heta pramiežkavy etap dla poŭnaj pieramohi pramałdoŭskich sił. My pavinny vykarystoŭvać usie kanstytucyjnyja normy i instrumienty dla taho, kab dasiahnuć u nastupnym hodzie daterminovych parłamienckich vybaraŭ», — skazaŭ Dadon.
Na jaho dumku, parłamienckaja bolšaść była stvorana šlacham podkupu i šantažu, «tamu ŭ prezidenta, abranaha niepasredna narodam, jość bolš maralnych pravoŭ patrabavać reformaŭ i pieramien».
«Kali parłamienckaja bolšaść nie pahodzicca ź mierkavańniem prezidenta, tady prezident moža vyjści na refierendum, pamianiać kanstytucyju, paprasić bolš paŭnamoctvaŭ abo rospusku parłamienta», — adznačyŭ jon.
