Kitajskaja sudnabudaŭničaja kampanija Wuchang Shipbuilding Industry Group pačała budaŭnictva kopii ŭ naturalnuju vieličyniu parachoda «Tytanik», što patanuŭ u Paŭnočnaj Atłantycy ŭ 1912 hodzie, paviedamlajuć infarmahienctvy.
Dla taho kab zabiaśpiečyć poŭnuju adpaviednaść kopii aryhinalnaha karabla, kampanija maje namier pryciahnuć techničnych śpiecyjalistaŭ z ZŠA i Vialikabrytanii.
Jak zajaviŭ žurnalistam namieśnik hienieralnaha dyrektara sudnabudaŭničaj kampanii Van Vejlin, daŭžynia parachoda składzie 269 m, šyrynia — 29. m. Unutrany interjer budzie taksama adpaviadać šykoŭnamu azdableńniu viktaryjanskaha stylu i Reniesansu, jakoje mahli nazirać pasažyry «Tytanika». Sudnabudaŭniki i dyzajniery majuć namier uznavić litaralna kožnuju detal, u tym liku teatr, kajuty pieršaha kłasa, basiejn i balnuju zału.
U adroźnieńnie ad svajho aryhinała, novy «Tytanik» nie ažyćciavić nivodnaha rejsa, a ŭstanie na viečnaj stajancy ŭ adnym z vadajomaŭ pavieta Dain (pravincyja Syčuań, Paŭdniova-Zachodni Kitaj). Pa zadumcy aŭtaraŭ prajekta, parachod pavinien stać adnoj z turystyčnych słavutaściaŭ rehijonu.
