Nižniaja pałata parłamienta Francyi pačała abmierkavańnie zakonaprajekta, zhodna ź jakim sajty, jakija zaklikajuć admovicca ad abortaŭ, buduć zakryvacca, a ich uładalniki pryciahvacca da kryminalnaj adkaznaści, kali ŭ materyjałach, jakija publikujucca, źmiaščajecca zahadzia łžyvaja infarmacyja.
AFP
U Francyi z 1993 hoda dziejničaje zakon, jaki pahražaje turemnym terminam da dvuch hadoŭ i štrafam da 30 tysiač jeŭra za raspaŭsiud iłžyvych źviestak, jakija padachvočvajuć da admovy ad abortu, piša VVS.
Inicyjatary papravak u zakon prapanujuć pašyryć paniaćcie «złačynnaje ŭmiašalnictva ŭ pytańni zdaroŭja žančyn» i na internet-prastoru.
Aktyvisty mohuć svabodna vykazvacca suprać abortaŭ u internecie i na publicy, kali robiać heta ščyra, skazała ministr pa pravach žančyn Francyi Łarans Rasińjol.
Apazicyja ličyć, što prapanavanyja miery parušajuć svabodu słova. U pryvatnaści, takoje mierkavańnie 1 śniežnia vykazaŭ kiraŭnik sienackaj frakcyi respublikancaŭ Bruno Retajo.
«Nie treba błytać svabodu słova sa sprobami manipulavać ludźmi», — zajaviła ŭ adkaz Rasińjol.
Suprać papravak vystupiła taksama katalickaja carkva. Staršynia Kanfierencyi katalickich biskupaŭ Francyi Žorž Panćje nakiravaŭ adkryty list prezidentu Francyi Fransua Alandu. U im biskup piša, što papraŭki supiarečać pryncypam svabody słova i demakratyi ŭ cełym.
