Pieravieści słužby santechnikaŭ, a zaadno i ślesaraŭ na dvuchźmienny režym pracy zapatrabavaŭ pamočnik prezidenta — hałoŭny inśpiektar pa horadzie Minsku Alaksandr Jakabson padčas narady ŭ meryi, paviedamlaje «Ježiednievnik».
«Niezrazumieła, čamu ŭ ŽES ślesary-santechniki pracujuć z 9:00 da 17:00, kali ludzi na pracy. Kvatarantu treba albo adprošvacca z pracy, albo damaŭlacca z tym ža ślesaram-santechnikam paśla pracoŭnaha dnia i płacić jamu asabista. Heta nieprymalna. Słužba santechnikaŭ pavinna pracavać u 2 źmieny i apieratyŭna zakryvać zajaŭki žycharoŭ», — zapatrabavaŭ Alaksandr Jakabson.
Kali santechnikaŭ i ślesaraŭ ŽESaŭ pieraviaduć na dvuchźmienny režym pracy, pakul nie ŭdakładniajecca. Dla vykanańnia patrabavańniaŭ Jakabsona staličnamu ŽKH spatrebicca jašče vyrašyć pytańnie z kadrami, bo santechnikaŭ i ślesaraŭ u staličnych ŽESach brakuje.
