U amierykanskim štacie Techas palicyja zatrymała 17-hadovaha padletka z Rasii pa padazreńni ŭ zabojstvie svaich pryjomnych baćkoŭ. Incydent adbyŭsia ŭ horadzie Kroŭli, paviedamlaje Dallasnews.
Karł Bruer
U palicyju pastupiŭ ananimny zvanok. Toj, chto telefanavaŭ, paviedamiŭ, što padčas kureńnia marychuany z Karłam Edvardam Brueram apošni pryznaŭsia ŭ zabojstvie svaich baćkoŭ. Supracoŭniki adreahavali na zvanok i prybyli pa adrasie doma Brueraŭ. Na pieršym paviersie jany znajšli cieły 60-hadovaha Troja i 64-hadovaj Mery z ahniastrelnymi ranami.
Na momant prybyćcia palicejskich sam padletak znachodziŭsia na druhim paviersie. Pry zatrymańni jon akazaŭ supraciŭ, i siłam pravaparadku daviałosia prymianić ślozaciečny haz.
Mery Bruer
U chodzie dopytu jon pryznaŭsia, što zabiŭ baćkoŭ u vyniku siamiejnaj svarki. Za niekalki dzion da trahiedyi Mery Bruer zajaviła ŭ palicyju ab źniknieńni dvuch pistaletaŭ. Karł byŭ trecim usynoŭlenym u Rasii dziciem Brueraŭ. U pačatku navučalnaha hoda jon byŭ adličany z chryścijanskaj škoły.
