U Biełarusi staŭka pa kredytach dla ekanomiki pavinna skłaści 17-18% hadavych da kanca 2017 hoda. Pra heta zajaviŭ premjer-ministr Andrej Kabiakoŭ 2 śniežnia ŭ chodzie rabočaj pajezdki ŭ Dziaržynski rajon Minskaj vobłaści, paviedamiła pres-słužba ŭrada.
«Heta ahulnaekanamičnaja prablema, jakaja patrabuje vyrašeńnia. Urad paśladoŭna vyrašaje hetu zadaču. Pa novych kredytach, jakija vydajucca ŭ biełaruskich rublach, na pačatak hoda pracentnaja staŭka była kala 33%, ciapier heta 21-22%. Viedaju ceły šerah pradpryjemstvaŭ, u jakich staŭka značna mienšaja — 17-18%. Zadača zaklučajecca ŭ tym, kab da kanca nastupnaha hoda hetyja 17-18% hadavych byli dla ŭsich tych, kaho možna kredytavać», — kanstatavaŭ kiraŭnik urada.
Kabiakoŭ adznačyŭ, što sioleta jość usie pieradumovy, kab vykanać prahnozny pakazčyk pa inflacyi, jaki składaje 12%. «Dumaju, heta navat budzie adčuvalna mienš. Na nastupny hod budzie adnaznačnaje značeńnie — da 9%. U nas jość usie pierśpiektyvy da taho, kab praz hod-dva pryvieści hrašova-kredytnuju sistemu i jaje rolu ŭ ekanamičnym pracesie da narmalnych zrazumiełych značeńniaŭ. Heta jakraz pasłužyć asnovaj dla zdarovaha paŭnavartasnaha ekanamičnaha rostu», — skazaŭ premjer-ministr.
