U rasparadžeńni «Našaj Nivy» akazalisia niekalki fotazdymkaŭ śviatara Kanstancina Burykina, aficyjna zatrymanaha za zachoŭvańnie bojeprypasaŭ. Rasśledavańnie spravy praciahvajecca.
Voś što raskazvaŭ pra hetuju karcinu, vykananuju na zamovu Kanstancina Burykina, jahony pryjomny syn Alaksiej:
«Taksama jon karcinu namalavaŭ, dzie ŭsia našaja siamja, jašče maci žyvaja… My razam staim usie ŭ takim styli, jak u Hiermanii byŭ. U jaho jašče na ruce čyrvonaja paviazka sa svastykaj była…»
Inšyja fotazdymki pakazvajuć nabor tatuirovak, naniesienych na cieła śviatara.
Na hrudziach źleva — svastyka. Šakuje toj fakt, što jana namalavanaja jašče i na ciele dziciaci. Nacysckamu vitańniu kłapatlivy baćka taksama paśpieŭ navučyć dzicia.
Na pravym plačy — hierb Treciaha rejchu i «Słava Rasii» (Burykin — hramadzianin Rasii, biełaruskaha hramadzianstva jon nie atrymaŭ).
A voś na levym plačy vybity tvar pieršaj žonki, jakaja pamierła ŭ maładym uzroście, i nadpis pra toje, što jamu daŭ boh.
* * *
Čytajcie taksama:
Zatrymany «baciuška sa svastykaj» Kanstancin Burykin
Rasśledavańnie: jak «baciuška sa svastykaj» rasparadžaŭsia biudžetnymi miljardami
