Biełaruskija handbalistki pieramahli kamandu Šviejcaryi ŭ kvalifikacyi čempijanatu śvietu 2017 hoda i zabiaśpiečyli sabie vychad u płej-oF.
Druhaja sustreča na placoŭcy minskaha pałaca sportu «Uručča» stała dla biełarusak bolš napružanaj, čym startavy pajadynak z turčankami (37:23). Šviejcarki akazali surjozny supraciŭ kamandzie Tomaža Čatera, a paśla pierapynku haspadyni zajhrali macniej i ŭ vyniku ŭpeŭniena pieramahli ź likam 35:27 (17:15). U inšym siońniašnim matčy 2-j adboračnaj hrupy handbalistki zbornaj Turcyi razhramili kamandu Kosava - 36:18 (15:10).
Turnirnaje stanovišča paśla dvuch turaŭ: Biełaruś - 4 ački, Šviejcaryja - 2, Turcyja - 2, Kosava - 0.
U zaklučny hulniavy dzień, 4 śniežnia, zbornaja Biełarusi zhulaje z handbalistkami Kosava, a šviejcarki i turčanki razyhrajuć druhuju pucioŭku ŭ płej-of čempijanatu płaniety.
Losavańnie par nakaŭt-raŭndu adbudziecca 18 śniežnia, u apošni dzień čempijanatu Jeŭropy — 2016 u Šviecyi. Vyrašalnyja sustrečy za vychad u finalnuju stadyju pieršynstva płaniety projduć u červieni, a sam finalny turnir lepšych handbalistak śvietu adbudziecca ŭ kancy 2017 hoda na arenach Hiermanii.
