Supracoŭniki kryminalnaha vyšuku Leninskaha RUUS zatrymali 19-hadovaha minčuka, jaki ździejśniŭ sprobu rabavańnia, paviedamiła BiełTA pres-aficer Leninskaha RUUS Taćciana Kavalova.
«Žychar mikrarajona Sierabranka sprabavaŭ vyrvać u 50-hadovaj žančyny sumačku. Žančyna akazała supraciŭleńnie, uciakła i vyklikała milicyju. Na miescy zdareńnia znojdzieny mabilny telefon złamyśnika, dziakujučy čamu zatrymali padazravanaha ŭ napadzie na praciahu hadziny», — raspaviali ŭ RUUS.
Śledstvam vyjaŭlena, što złamyśnik datyčny da ździajśnieńnia dvuch anałahičnych złačynstvaŭ u Leninskim rajonie stalicy.
Raspačataja kryminalnaja sprava pa art. 14 (zamach na złačynstva) i č. 2 art. 206 (rabavańnie) Kryminalnaha kodeksa Respubliki Biełaruś.
0
0
0
0
0
0
