«Usim sprobam nacyjanalnaj roźni budzie dadzieny ćviordy i adekvatny adkaz. Jakimi b matyvami «raspalvalniki» ni tłumačyli svaju dziejnaść!» — piša ŭ svaim redakcyjnym kamientary ŭ siońniašnim numary prezidenckaja hazieta «Sovietskaja Biełoruśsija».
Artykuł pačynajecca z apisańnia spravy Palčysa i pierachodzić da spravy Paŭłaŭca-Alimkina.
«Vandalizm raście z taho ž dreva, jakoje pravakatary ŭsich maściej staranna palivajuć atručanaj vadoj nianavicci, — piša «SB». — Navat na fonie ciapierašniaj internet-piarestaści sajt Palčysa vyhladaŭ adyjozna, — piša Jakubovič. — Praktyčna ŭvieś jaho źmiest byŭ skiravany na ździek z Rasii. Viadoma, kožny maje prava zachaplacca ci aburacca rasijskaj historyjaj ci ciapierašnim palityčnym ładam Rasii. Ale Palčys u svaich litaraturna-histaryčnych študyjach uvieś čas źbivaŭsia na hłumleńnie z rasijan. Pryčym u takoj formie, što źmiestam sajta zacikavilisia pravaachoŭnyja orhany».
Spravu ž aŭtaraŭ Rehnuma «SB» nazyvaje paćviardžeńniem «taho nieabvieržnaha fakta, što ŭłada nie pacierpić nijakich sprobaŭ raspalvańnia mižnacyjanalnaj varožaści, sprobaŭ ubić klin miž biełarusami i rasijanami». «I niama ŭ hetaj historyi nijakaj «palityki», jość kłopat pra ŭmacavańnie maralnaści hramadzian dźviuch krain», — praciahvaje «SB».
«Jaŭna źbiantežany ad rašučych dziejańniaŭ biełaruskaj ułady Barančyk upaŭ na Rehnumie ŭ klikušastva i zaklikaje «skazać svajo słova» Rassupracoŭnictva, pasolstva Rasii ŭ Minsku i navat RPC», — adznačaje «Sovietskaja Biełoruśsija» ŭ svaim redakcyjnym kamientary.