Bolš za tysiaču rasijskich spartsmienaŭ pa letnich, zimovych i paralimpijskich vidach sportu byli naŭprost zadziejničany ŭ manipulacyjach z dopinham ci vyjhrali ad ich, havorycca ŭ druhoj častcy dakłada kanadskaha jurysta Ryčarda Makłarena, jakuju jon padrychtavaŭ dla Suśvietnaha antydopinhavaha ahienctva.
AP
Ekśpierty ŭ druhim dakładzie paćvierdzili padmienu dopinh-probaŭ rasijskich spartsmienaŭ na Alimpijskich hulniach u Sočy ŭ 2014 hodzie.
Adnak, na dumku Makłarena, techniki padmieny sprob i ŭtojvańnia dopinhu paśla Sočy stali zvyčajnaj praktykaj dla Maskoŭskaj antydopinhavaj łabaratoryi i vykarystoŭvalisia ŭ šmatlikich letnich i zimovych vidach sportu.
Pieršuju častku dakładu Makłaren pradstaviŭ 18 lipienia.
Śledčy kamitet Rasii ŭ čaćvier abiacaŭ pravieści pravierku dovadaŭ, vykładzienych u dakładzie Makłarena pra ŭžyvańnie dopinhu ŭ Rasii.
U pieršaj častcy dakładzie VADA havorycca pra toje, što ŭ Rasii była stvorana cełaja sistema pa ŭtojvańni stanoŭčych dopinh-probaŭ rasijskich spartsmienaŭ.
