Abrany prezident ZŠA Donald Tramp vydatkavaŭ na svaju vybarčuju kampaniju 66 miljonaŭ dalaraŭ z ułasnych srodkaŭ. Takija dadzienyja pryvodzić Fiederalnaja vybarčaja kamisija ZŠA, paviedamlajuć infarmahienctvy.
U cełym ža kampanija kaštavała Trampu 322 miljony dalaraŭ, u toj čas jak jaho supiernica Chiłary Klintan vydatkavała 565 miljonaŭ.
U chodzie prajmieryz miljarder admoviŭsia finansavać apytańni hramadskaj dumki jak «bieskarysnyja». Pavodle dadzienych kampanii mediaQuant, u pačatku 2016 hoda Tramp abyšoŭ 16 supiernikaŭ unutry respublikanskaj partyi, aktyŭna vykarystoŭvajučy biaspłatnyja resursy ŭ internecie i sacsietkach, jakija dazvalali pieradavać kožnaje słova kandydata i źviartacca naŭprost da vybarcaŭ.
Vybary prezidenta ZŠA prajšli 8 listapada. Inaŭhuracyja novaha kiraŭnika dziaržavy adbudziecca 20 studzienia 2017 hoda.