Prezident Litvy Dala Hrybaŭskajcie sustrełasia z ambasadarami krain Jeŭrazajuza. Heta była tradycyjnaja štohadovaja sustreča, na jakoj abmiarkoŭvalisia najvažniejšyja pytańni hetaha hoda, paradak dnia ES i pytańni źniešniaj palityki, paviedamlaje Delfi.
Sioleta asablivaja ŭvaha nadavałasia vyklikam u śfiery biaśpieki ŭ rehijonie Bałtyjskaha mora i napružanaj hieapalityčnaj situacyi, uzajemaadnosinam pamiž ZŠA i ES paśla vybaraŭ u Amierycy.
Pa słovach Hrybaŭskajcie, Rasija nie tolki intensiŭna uzbrojvaje Kalininhradskuju vobłaść, ale raźmiaščaje tam rakiety, jakija mohuć dasiahnuć mnohich jeŭrapiejskich stalic. Kreml taksama maje namier skarystacca ŭmacavańniem papulisckich sił u Jeŭropie.
Tamu, pa słovach kiraŭnika Litvy, ciapier asabliva važna zachoŭvać adzinstva ES, ćviorda abaraniać kaštoŭnaści demakratyčnaha śvietu, bolš inviestavać u abaronu, umacoŭvać srodki baraćby z hibrydnymi pahrozami, jasna pakazać, što na lubuju ahresiju budzie adkaz.
Hrybaŭskajcie taksama padkreśliła važnaść mocnaj suviazi ES z ZŠA. Pa jaje słovach, Amieryka — harant hłabalnaj biaśpieki i stabilnaści. Tamu nieabchodna padtrymać cikavaść novaj administracyi ŭ Jeŭropie, umacoŭvać transatłantyčnaje supracoŭnictva ŭ śfiery abarony, biaśpieki i ekanomiki.
