Padatkovy inśpiektar u Mahilovie asudžany za chabar i biaździejnaść u dačynieńni da indyvidualnych pradprymalnikaŭ.
Jak paviedamili ŭ prakuratury Mahiloŭskaj vobłaści, inśpiektar byŭ abvinavačany pa artykułach «Biaździejnaść słužbovaj asoby» i «Atrymańnie chabaru». Jak vyśvietliŭ sud, u lutym hetaha hoda jon pryniaŭ ad indyvidualnaha pradprymalnika 800 tysiač niedenaminavanych rubloŭ, zamiest taho kab skłaści akt pravierki i pryciahnuć da administracyjnaj adkaznaści ŭ vyhladzie štrafu.
U sakaviku pry praviadzieńni pazapłanavaj pravierki inśpiektar pryniaŭ u inšaha indyvidualnaha pradprymalnika 2 młn niedenaminavanych rubloŭ.
Sud pryznačyŭ jamu pakarańnie ŭ vyhladzie siami hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach uzmocnienaha režymu, z kanfiskacyjaj majomaści i pazbaŭleńniem prava zajmać pasady, źviazanyja z praviadzieńniem jurydyčna značnych dziejańniaŭ terminam na piać hadoŭ, sa štrafam u pamiery 300 bazavych vieličyń.
Prysud suda nabyŭ zakonnuju moc.
