Hałoŭnaj miedyjnaj temaj padčas teleprahramy «Kłub redaktaraŭ» u subotnim efiry kanała «Biełaruś 1» Hienadź Davydźka nazvaŭ nieabhruntavanyja pretenzii rasijskich čynoŭnikaŭ da jakaści biełaruskich praduktaŭ charčavańnia.
Biełaruskaje małako ŭ maskoŭskim supiermarkiecie. Fota FotograFF z sajta tvc.ru.
Jon zadaŭ pytańnie, čamu Biełaruś, jakaja na fonie sankcyjnaj palityki ŭ adnosinach Rasii z Zachadam zakryła charčovuju prablemu ŭschodniaj susiedki, siońnia pavinna pakutavać ad sankcyj. «Tamu što toje, što robić Raśsielhasnahlad — heta praktyčna sankcyi Rasii suprać Biełarusi», — cytuje Hienadzia Davydźku ahienctva BiełTA.
Jon prapanuje ŭvieści ŭ abarot termin «dankviertyzacyja rynku», jaki b aznačaŭ vyciaśnieńnie jakasnaj pradukcyi va ŭhodu čyim-niebudź intaresam.
Pretenzii kiraŭnika Raśsielhasnahladu Siarhieja Dankvierta tyčylisia reekspartu praź Biełaruś sankcyjnych pradukcyi ź ES i jakaści biełaruskaha małaka.
