Nacyjanalnaja akademija navuk Biełarusi pačnie ŭ 2017 hodzie vyrab Biełaruskaha kaśmičnaha aparata dystancyjnaha zandziravańnia Ziamli vysokaha raspaznavańnia — BKA-2. Ab hetym paviedamiŭ siońnia kiraŭnik aparatu NAN Biełarusi akademik Piotr Viciaź u čas prezientacyi Hoda navuki ŭ Biełarusi.
«Za apošnija dva hady ŭ Biełarusi źjaviłasia novaja halina navuki - kaśmičnyja daśledavańni. Dla hetaha ŭ nas stvorana sistema dystancyjnaha zandziravańnia Ziamli, jość svoj spadarožnik. Ciapier my pracujem nad stvareńniem novaha spadarožnika dystancyjnaha zandziravańnia z raspaznavańniem 0,5 m, naša zadača ŭ hetym hodzie - pačać jaho vyrab. My prapracavali ŭžo techničnyja patrabavańni, padpisali nieabchodnyja dahavory», — skazaŭ Piotr Viciaź.
Jon rastłumačyŭ, što kaśmičnaja infarmacyja ź pieršaha spadarožnika dystancyjnaha zandziravańnia Ziamli vykarystoŭvajecca 11 ministerstvami Biełarusi. «Rabota BKA-1 pradoŭžana na dva hady, heta ŭžo ŭzhodniena z Raskosmasam. Akramia taho, razam z BDU my stvaryli nanaspadarožnik, jaki treba ŭ hetym hodzie zapuścić, stvaryć sistemu kiravańnia. Liču, što my heta budziem rabić razam, kab vykarystoŭvać hety spadarožnik nie tolki ŭ vučebnych metach, ale i ŭ navukovych», — raskazaŭ jon.
Jak paviedamlałasia, BKA-2 budzie stvaracca ŭ toj ža kaapieracyi raspracoŭščykaŭ, jakija vyrablali i BKA-1. Z rasijskaha boku heta AT «Karparacyja «UNDIEM» (Usiesajuzny navukova-daśledčy instytut elektramiechaniki z zavodam imia A.H.Iasifjana). Metavuju aparaturu budzie vyrablać biełaruskaje pradpryjemstva «Pielenh». Ekspłuatacyja BKA-2 daść mahčymaść stvarać tapahrafičnyja navihacyjnyja karty ŭ maštabie 1:10 000, adpaviedna heta stanie asnovaj dla vyrašeńnia roznych kadastravych zadač. Zapuścić druhi kaśmičny aparat dystancyjnaha zandziravańnia Ziamli płanujecca ŭ kancy 2019 hoda.
Pieršy Biełaruski spadarožnik dystancyjnaha zandziravańnia Ziamli byŭ paśpiachova vyviedzieny na raźlikovuju arbitu 22 lipienia 2012 hoda z kasmadroma Bajkanur u Kazachstanie ŭ kłastary ź piaci kaśmičnych aparataŭ. Ciapier BKA ažyćciaŭlaje kaśmičnyja zdymki ŭ intaresach 21 arhanizacyi, jakija znachodziacca ŭ viedańni 11 ministerstvaŭ Biełarusi, a taksama kamiercyjnyja zdymki ŭ intaresach šeraha zamiežnych zakazčykaŭ.
