Ministerstva abarony ZŠA i inšyja abaronnyja struktury paśpiachova prademanstravali roj aŭtanomnych mikrabieśpiłotnikaŭ, paviedamiŭ sajt Pientahona.
Mikradrony pakazali pavodziny, jakija ŭłaścivyja roju — kalektyŭnaje pryniaćcio rašeńniaŭ, adaptyŭnuju źmienu formy.
U demanstracyi ŭdzielničali 103 drony Perdix, jakija adpravilisia ŭ palot z troch źniščalnikaŭ F/A-18 Super Hornet.
«Perdix — heta nie zahadzia zaprahramavanyja sinchranizavanyja asobnyja drony, heta kalektyŭny arhanizm, jaki maje adziny padzieleny mozh dla pryniaćcia rašeńniaŭ i adaptacyi», - skazaŭ dyrektar Ofisa pa stratehičnych mahutnaściach Uiljam Roŭpier.
Čakajecca, što takija drony buduć intehralnaj častkaj bajavych dziejańniaŭ u budučyni i dazvolać ludziam prymać chutkija i bolš efiektyŭnyja rašeńni.
Drony važać 290 h i pakul mohuć latać z chutkaściu 70-100 km/h.
