Zornaja siamja — madel Julija Kaściukievič i televiadučy Dzianis Kurjan — zrabili sełfi ŭ kašulach z nacyjanalnym arnamientam ad firmy «Honar». Adpaviednaje fota źjaviłasia ŭ aficyjnaj supołcy brendu.
My datelefanavalisia da Julii Kurjan, kab raspytać, čamu jany vyrašyli padtrymać biełaruski brend.
«My kupili hetyja kašuli da adnaho ź siamiejnych śviataŭ. Mnie padabajecca biełaruski arnamient, navat tamu što jon vielmi pryhožy. Jaho stali papularyzavać, ale škada, jak mnie padajecca, što našy dyzajniery troški stali zapavolvacca ŭ hetym kirunku. Kali my adpačyvajem dzieści, to hetyja kašuli zaŭsiody pryciahvajuć uvahu, a znajomyja zaŭsiody cikaviacca, dzie nabyli».
«Takoha roda biełaruskaja identyka pakazvaje, što my biełarusy i lubim svaju krainu, — skazała «Našaj Nivie» Julija Kurjan. — Pry hetym rečy robiacca vielmi stylova i jakasna».
Sapraŭdy, biełaruskija znakamitaści apošnija hady ŭsio čaściej stali pakazvacca ŭ adzieńni z nacyjanalnym charaktaram. Voś, naprykład, śpiavak Alaksiej Chlastoŭ nadzieŭ nacyjanalnuju kašulu:
Komik Vadzim Hałyhin u vyšymajcy:
Alaksiej Hros, pieramožca letašniaha «Słavianskaha bazaru», vyjhraŭ konkurs u nacyjanalnaj kašuli:
A voś śvieckaja lvica Iryna Kabasakał i prafiesijnaja madel Kaciaryna Ozkan sfatahrafavalisia ŭ plažnych tunikach ź biełaruskim arnamientam.
Ściobny hurt «Drazdy» nadzieŭ vyšyvanki:
U adnaho z samych napampavanych biełaruskich televiadučych Sašy Jarasłaŭcava ŭ harderobie taksama prysutničaje nacyjanalnaje adzieńnie:
Hurt «NAVI» nie tolki apranajecca pa-biełarusku, ale jašče i śpiavaje:
Śpiavak Tea vystupaŭ u vyšymajcy na XV Nacyjanalnym fiestyvali biełaruskaj pieśni i paezii «Maładziečna-2015»:
U sporcie taksama staŭ zaŭvažny hety trend. Zbornaja Biełarusi pa futbole:
A ŭ takoj formie letaś biełaruskija spartoŭcy byli na alimpijadzie ŭ Rya. Darečy, našu formu pryznali adnoj z samych pryhožych:
Čempijon śvietu pa muaj-taj biełarus Dźmitryj Valent u kancy svajho finalnaha boju nadzieŭ «vyšyvanku»:
Himnastka Mielita Staniuta — u śvitšocie z arnamientam:
Płyŭčycha Alaksandra Hierasimienia i futbalist Vital Radzivonaŭ u vyšymajkach na kubku «Mova-Sup»:
Zusim niadaŭna ministr antymanapolnaha rehulavańnia i handlu Uładzimir Kałtovič vykłaŭ sełfi ŭ vyšyvancy:
A letaś u majkach z arnamientam na ludziach źjaviŭsia Alaksandr Łukašenka razam z synam:
