Minskaja milicyja abviaściła ŭ vyšuk žychara stalicy, 78-hadovaha Jaŭhiena Kaleśnikava, uradženca Kirhizskaj SSR.
guvd.gov.by
Jak paviedamlaje HUUS Minharvykankama, pažyły mužčyna «moža być datyčny da ździajśnieńnia ciažkaha złačynstva, jaki mieŭ miesca ŭ Zavodskim rajonie stalicy». Jon pakutuje na psichičnyja zachvorvańni.
Jak paźniej paviedamiŭ aficyjny pradstaŭnik upraŭleńnia Śledčaha kamiteta pa Minsku Alaksiej Klimovič, Kaleśnikaŭ padazrajecca ŭ ździajśnieńni zabojstva.
Siarod asablivych prykmiet Kaleśnikava: «nosić akulary dla zroku, u pavodzinach mohuć vyjaŭlacca psichičnyja adchileńni, schilny da ahresii, pry sabie moža mieć elemienty alpinisckaha ryštunku (ledasieki i h. d.). Pry im moža być taksama kot šeraha koleru».
0
0
0
0
0
0