Kancler Aŭstryi Kryścijan Kiern choča dać miascovym pracadaŭcam prava pry najmie addavać pryjarytet aŭstryjcam pierad hramadzianami inšych krain Jeŭrasajuza, paviedamlaje Bi-bi-si.
Ciapier u abjadnanaj Jeŭropie dziejničaje ahulny rynak pracy: hramadzianie ŭsich dziaržaŭ, jakija ŭvachodziać u ES, pavodle zakona majuć roŭnyja pravy pry pryjomie na pracu ŭ luboj z krain sajuza. Addavać pryjarytet hramadzianam jakoj-niebudź krainy zakanadaŭča zabaroniena.
Kiern paabiacaŭ źviarnucca z adpaviednaj prośbaj da lidaraŭ ES padčas vystupu na mierapryjemstvie, pryśviečanym startu 10-hadovaha płana ekanamičnaha raźvićcia, u jakim asablivaja ŭvaha pavinna być nadadziena stvareńniu novych pracoŭnych miescaŭ.
«Krainy Uschodniaj Jeŭropy ekspartujuć svajo biespracoŭje ŭ Aŭstryju», — zajaviŭ sacyjał-demakrat Kiern, vystupajučy ŭ horadzie Viels, dzie na vybarach pieramahła ŭltrapravaja Partyja svabody.
Papularnaść Partyi svabody ŭ Aŭstryi ŭ apošni čas raście, šmat u čym z-za bojazi žycharoŭ z pryčyny imihracyi i biespracoŭja.
Abiacańnie Kierna naziralniki aceńvajuć jak sprobu pryciahnuć vybarščykaŭ, jakija simpatyzujuć aŭstryjskim ultrapravym.
