Adździeł prymusovaha vykanańnia Centralnaha rajona Minska pravodzić publičnyja tarhi pa prodažy majomaści, jakaja naležyć Alaksandru Archipavu. Heta były namieśnik hienieralnaha prakurora, zvolnieny ŭ svoj čas za złoŭžyvańnie ŭładaj, i adpraŭleny z kałonii kiravać kałhasam pad Minskam.
31 studzienia budzie pradavać mašynamiesca ŭ haražy pa adrasie Čarviakova, 5a. Heta elitny dom, u jakim u svoj čas zajmieŭ kvateru staršynia Minharvykankama Mikałaj Ładućka.
Startavy košt hetaha miesca ŭ padziemnym haražy — 12800 rubloŭ (kala 6 tysiač jeŭra ŭ ekvivalencie).
Cikava, što kvatera ŭ susiednim domie i mašynamiesca zarehistravanyja na žonku Archipava, adnak pradajecca jak jaho majomaść.
Iryna Archipava była pieršaj namieśnicaj ministra architektury i budaŭnictva. Paśla złačynstva, ździejśnienaha mužam, jana była adpraŭlena ŭ adstaŭku.
