Alaksandr Łukašenka ŭ bližejšy čas praviadzie naradu pa vynikach pracy pravaachoŭnaha błoku ŭ 2016 hodzie. Pra heta kiraŭnik dziaržavy zajaviŭ padčas rabočaj sustrečy sa staršynioj Śledčaha kamiteta Ivanam Naskievičam.
«U bližejšy čas my praviadziem naradu pa vynikach minułaha hoda pa ŭsich pravaachoŭnych błokach, zaprasiŭšy i sudovuju halinu ŭłady, z metaj abaznačeńnia i razhladu pytańniaŭ, jakija znachodziacca ŭ mianie na kantroli, pačynajučy z refarmavańnia sudova-śledčaj sistemy ŭ cełym», — skazaŭ Alaksandr Łukašenka.
Kiraŭnik krainy zasłuchaŭ dakład ab asnoŭnych vynikach raboty Śledčaha kamiteta ŭ 2016 hodzie, u tym liku ab aptymizacyi ŭ viedamstvie. «Aptymizacyja datyčycca ŭsich. U mienšaj stupieni, mabyć, Śledčaha kamiteta, bo jon stvorany zusim niadaŭna. Ale prajšło dastatkova času, kab pierakanacca ŭ tym, dakładna i strukturna ci pabudavali my naš Śledčy kamitet, ci pravilna raźmierkavali funkcyi i abaviazki pamiž daznańniami i tak dalej. Hetaje pytańnie taksama budzie abmiarkoŭvacca na našaj šyrokaj naradzie z udziełam i Śledčaha kamiteta. Heta adno z asnoŭnych pytańniaŭ, jakoje pranizvaje ŭsiu sistemu da Viarchoŭnaha suda «, - źviarnuŭ uvahu kiraŭnik dziaržavy.
Alaksandr Łukašenka taksama pacikaviŭsia vynikami rasśledavańnia najbolš rezanansnych kryminalnych spraŭ. Asablivaja ŭvaha była źviernuta na nieabchodnaść raskryćcia žorstkaha zabojstva biznesmiena ŭ Bierazinie. «Heta pytańnie honaru. Ja papiaredžvaŭ i kiraŭnika MUS: jon paabiacaŭ raskryć hetuju kryminalnuju spravu. Vy pavinny źviartać uvahu na padobnyja spravy», — padkreśliŭ jon.
Ivan Naskievič paviedamiŭ, što ŭ 2016 hodzie ŭ vytvorčaści Śledčaha kamiteta znachodziłasia bolš za 130 tys. Kryminalnych spraŭ, ź jakich zvyš 52 tys. skončana vytvorčaściu. «U cełym Śledčy kamitet spracavaŭ dosyć roŭna, bieź niejkich šarachańniaŭ ŭ bok. Hrubych, vidavočnych parušeńniaŭ słužbovaj dyscypliny, jakija paciahnuli b šyroki hramadski rezanans albo chvalavańnia, nie adbyłosia. Pracavali ŭ štatnym režymie», — zaŭvažyŭ jon.
