Ministr achovy zdaroŭja i sportu Aŭstralii Śjuzan Li ździejśniła niekalki słužbovych pajezdak, u chodzie jakich, jak vyśvietliłasia, jana nie zajmałasia dziaržaŭnymi spravami, a pošukami nieruchomaści na kurorcie Hołd-Kost u štacie Kvinślend. Heta kaštavała joj pasady. U vyniku skandału, jaki razhareŭsia nieŭzabavie, jana syšła ŭ adstaŭku, piša VVS.
Premjer-ministr Małkalm Ternbuł u piatnicu zajaviŭ, što pryniaŭ adstaŭku Li.
«Aŭstralijcy majuć prava raźličvać na toje, što palityki bieražliva vydatkoŭvajuć hrošy padatkapłacielščykaŭ i ŭ luby čas harantujuć, što ich pracoŭnyja vydatki efiektyŭnyja, a dziaržaŭnyja resursy vykarystoŭvajucca etyčna», — skazaŭ kiraŭnik aŭstralijskaha ŭrada.
Padobnyja skandały nie raz zdaralisia ŭ Aŭstralii ŭ apošnija hady. Tamu premjer Aŭstralii vyrašyŭ stvaryć niezaležny orhan, jaki pavinien nazirać za vydatkami parłamientaryjaŭ.
Sama Śjuzan Li kazała, što nie płanavała zahadzia nabyćcio nieruchomaści na kurorcie, kali źbirałasia ŭ pajezdku ŭ mai 2015 hoda. U vyniku jana vyrašyła ździejśnić uhodu ŭ inviestycyjnych metach na sumu 795 tys. aŭstralijskich dalaraŭ (585 tys. dalaraŭ ZŠA).
U svajoj zajavie ab adstaŭcy Li padkreśliła, što starałasia skurpulozna prytrymlivacca pravił i etyčnym normaŭ. Tym nie mienš jana vyrašyła syści, bo skandał udaryŭ pa ŭradzie i vyklikaŭ razdražnieńnie ŭ hramadstvie.
