Palicyja Sankt-Pieciarburha zatrymała nalotčyka ź Biełarusi, jaki sprabavaŭ abrabavać sałon sotavaj suviazi «Suviazny» na praśpiekcie Vieteranaŭ, paviedamlaje «Fantanka.ru».
Dniom 14 studzienia złačyniec u miedycynskaj mascy ŭvajšoŭ u kramu i, pahražajučy pnieŭmatyčnym pistaletam, zapatrabavaŭ ad mieniedžaraŭ adkryć kasavy aparat.
Złamyśnik zabraŭ 11 tys. rasijskich rubloŭ (185 dołaraŭ ZŠA) vyručki i pa darozie prychapiŭ siem mabilnych telefonaŭ, ale źbiehčy jamu nie ŭdałosia. Supracoŭniki mahazina, ledź ubačyŭšy «pakupnika» u mascy, adrazu nacisnuli na tryvožnuju knopku.
Palicejskija, jakija prybyli na praciahu niekalkich chvilin, zatrymali nalotčyka na miescy złačynstva. Vyśvietliłasia, što pad maskaj chavaŭsia 49-hadovy pryjezdžy ź Biełarusi.
Raspačataja kryminalnaja sprava pa artykule «Razboj».
