21 studzienia na tarhach Biełaruskaj valutna-fondavaj biržy biełaruski rubiel umacavaŭsia da dołara ZŠA, jeŭra i rasijskaha rubla.
Pa vynikach tarhoŭ kurs jeŭra źniziŭsia na 0,0043 rubla (0,21%) da 2,0711 rubla.
Kurs dołara źniziŭsia na 0,0062 rubla (0,32%) i skłaŭ 1,9361 rubla.
Kurs rasijskaha rubla (za 100 adzinak) źniziŭsia na 0,0134 rubla (0,41%) i skłaŭ 3,2425 biełaruskaha rubla za 100 rasijskich.
U kursaŭtvareńni Nacbank vykarystoŭvaje miechanizm pryviazki kursu rubla da košyka valut, u jakim udzielnaja vaha rasijskaha rubla składaje 50%, dola dołara ZŠA — 30% i jeŭra — 20%.
Biełaruski rubiel reahuje na dynamiku kursu rasijskaha rubla, jakaja šmat u čym zaležyć ad cen na naftu. Suśvietnyja ceny na naftu pakazali mocny rost paśla inaŭhuracyi prezidenta ZŠA Donalda Trampa — baral nafty marki Brent znoŭ imkniecca da adznaki ŭ 56 dołaraŭ.
U Rasii napiaredadni, u piatnicu, na valutnym rynku rubiel na praciahu dnia tarhavaŭsia ŭ vuzkim dyjapazonie ŭ čakańni vystupu Donalda Trampa. Para dołar ZŠA/rubiel z raźlikam na zaŭtra da zaviaršeńnia handlovaj siesii źniziłasia na 0,03%, da 59,70 rasijskaha rubla za dołar.
